Yangiliklar

Hurmatli yurtdoshlar!

Siz azizlarni 21-oktabr — O‘zbek tiliga davlat tili maqomi berilgan kun bilan samimiy muborakbod etamiz! Ushbu sana xalqimiz tarixida beqiyos ahamiyatga ega bo‘lib, milliy o‘zligimiz, ma’naviy qadriyatlarimiz va mustaqilligimiz timsoli hisoblanadi.

Davlat tili – Vatanimizning birligi, el-yurtimizning faxru g‘ururi, milliy iftixorimiz manbaidir. Har birimiz o‘zbek tilining nufuzini yanada yuksaltirish, uning boy imkoniyatlarini keng targ‘ib etish yo‘lida mas’ulmiz.

Tilimizning sofligini asrash, uni xalqaro miqyosda tanitish – bugungi avlodning sharafli vazifasidir. Shu munosabat bilan barchangizga mustahkam sog‘lik, ishlaringizda muvaffaqiyat va yangi zafarlar tilaymiz.

Davlat tili bayrami muborak bo‘lsin!

Ma’lumot uchun:

O‘zbekiston Respublikasining 26.04.1996 yilda qabul qilingan «Iste’molchilarning huquqlarini himoya qilish to‘g‘risida»gi 221-I-sonli qonunida davlat tili bo‘yicha normalarni o‘zida aks ettirgan moddalar:

5-modda beshinchi qismi:

• Ishlab chiqaruvchi (ijrochi, sotuvchi) haqidagi, savdo va xizmat ko‘rsatish qoidalari to‘g‘risidagi ma’lumot iste’molchiga davlat tilida taqdim etiladi. Mazkur ma’lumot qo‘shimcha ravishda boshqa tillarda ham taqdim etilishi mumkin.

6-modda to‘rtinchi qismi:

• Tovar (ish, xizmat) to‘g‘risidagi ma’lumot iste’molchiga davlat tilida taqdim etiladi. Mazkur ma’lumot qo‘shimcha ravishda boshqa tillarda ham taqdim etilishi mumkin.